متى تصبح المنحة تعطى غير كاملة ومتى موعد صرفها للطلبة ؟

 متى تصبح المنحة تعطى غير كاملة ومتى موعد صرفها للطلبة ؟ 

تحية طيبة أعزائي الطلبة والطالبات ❤

✍️ موضوع اليوم سأتكلم فيه على واحد الحاجة لي بزاف الطلبة معرفينهاش لي هي نظام تاع لافاك وإمتا تتكون عندك المنحة كاملة وإمتا كينقصوها ليك كتولي نصف منحة.

✔اول حاجة هي العام لول  فيه اﻷسدس اﻷول (s1) فيه 7 الموديلات بمعنى آخر 7 ديال المواد تتقراهم ف اﻷسدس اﻷول  وفنفس العام فيه اﻷسدس الثاني (s2) تا هو 7 دالمواد  يعني العام كامل فيه 14 مادة انت وﻻ نتي خاصك على اﻷقل تفاليدي نص ديال المواد لي تتقرا فالعام لول أي 7 باش  تبقا ليك المنحة.

💡مثال1 انت كتشد المنحة كاملة وفاليديتي نص ديال المواد فالعام لول غتشدها العام ثاني كاملة حتى هو حيت فاليديتي نص فالعام لول، ولكن في حالة مفاليديش نص ديال المواد غتشد فالعام الثاني نص ديال لابورس.

💡مثال 2 في حالة تتشد نص ديال المنحة فالعام لول وفاليديتي نص ديال المواد راه العام الثاني غتشد حتى هو نص، ولكن في حالة مفاليديش نص غتمشي ليك لابورس.

✔بكل إختصار خاصك كل عام تفاليدي نص ديال المواد باش تبقا ليك لابورس 

✔العام الثاني والثالث كذلك نفس الحاجة خاصك تفاليدي نص باش تبقا ليك لابورس 

✔سؤال آخر بزاف تيطرحوه الطلبة لي هو واش العام رابع امكن ليك تشد لابورس الجواب اه العام الرابع عندك الحق تشد نص ديال المنحة.

أما بالنسبة لموعد صرف المنحة لجميع الطلبة سلك الإجازة:

● المنحة الاولى تكون في منتصف شهر دجنبر

● المنحة الثانية تكون في أواخر شهر فبراير

● المنحة الثالثة والأخيرة تكون في بداية شهر ماي.

وصلنا الى ختام موضوع اليوم، تفضلوا بأسئلتكم في هذا المقال سيتم اﻹجابة عليها في أقرب وقت،، وشكرا لكم 😊