اجي تعرف بعض الخطوات إلا درتيها غتكون من الطلبة الواعرين ومتفوقين في الدراسة ديالك 👇
أولا -الكلية هي واحد المكان لي فيه الحرية بزاف والا مزيرتيش غتلقا راسك من هاذوك الطلبة لي العام لي جا وهما باقين في لافاك مضاربين مع الموديلات لهذا كنوصيك بالحضور والإلتزام والصبر لي خاصهم يكونوا فيك كطالب باغي يوصل ويحقق الحلم ديالو.
ثانيا -انت وليتي طالب باحث وماشي تلميذ خاصك انت تبحث عن المعلومة ماشي كلشي غيعطيه ليك الاستاذ واجد.
ثالثا -تصاحب مع الناس لي عندهم احلام معينة وهدف محدد باغين يوصلو ليه متمشيش عند دوك الناس لي يفشلوك "صاحبي لافاك معندك مادير بيها راه مكيحطوش نقط" وزيد وزيد من ديك الهضرة الخاوية.
رابعا -ساعد الطلبة لي معاك وقدم يد العون متكونش من دوك الطلبة الأنانيين لي كيبغيو غير راسهم وتحت شعار دير الخير تلقاه
خامسا -عمر في البيبليوتيك ( المكتبة ) قرا على راسك واخا غيير ساعة ونص او ساعتين فنهار ولا بلاش .. ومتكونش من النوع لي كيعصر فالبيفيت بزاف هههه سير لبيفيت ولكن متعصرش فيها سير كول وشبع وخود لك قهوى تقاد لك لمزاج ولكن متعصرش فيها 
والا راك غادي تشد شهادة السكنى فلفاك حذاااري 
سادسا -نقص من السهير شويا ماشي تبقا حتى 3 وتصبح ناعس حتى 12 من أول خطوات الفشل .
سابعا -سير تعلم اصاحبي شي لغة ولا برامج ديزاين والمونطاج ومارس شي هواية عزيزا عليك بالموازاة مع الدراسة ديالك في الجامعة.
ثامنا -سير راجع الدرس مزيان ولخصو وطالع على ذوك الإمتحانات القدام باش من يقربو الإمتحانات تكون فاهم وشاد الدروس ديالك.
تاسعا -تعامل مع الأساتيذ والزملاء ديالك مزيان وقاد الأخلاق ديالك راك اصبحت طالب الآن.
عاشرا -وآخر الحاجة لي غنختم بيها هاذ المقال ديما كون من الناس لي يكونوا طموحين في هاذ الحياة وليس من الفاشلين.
الا كنتي باغي دير لفاك اختي ولا أخويا غير باش ضيع الوقت ... حسن خليك بعيد منها لأنه غضيع غي فلوسك وفلوس واليديك ووقتك اللي مكيتقدر بثمن حسن قلب على شي حاجة تنفعك عطا الله ميدار .هاديك الحرية متستغلهاش فالخوا الخاوي الله يرضي عليك.
ومتنساش تخلي لينا واحد جييم
باش تدعمونا نكملو في كتابة مقالات واعرين 
وقولوا لينا شنو الموضوع لي نتكلم ليكم عليه في المقال جاي.
تحياااااتي
#مقال_الأسبوع
إنتظرونا في فيديو جديد على قناتنا باليوتيوب https://www.youtube.com/channel/UC25C8mDp85N2qMtDVOwB_YA
تعليقات
إرسال تعليق